Español
Galego
O martes 26 amenceu co brillo da arte e o peso da historia. Divididos en grupos, os peregrinos percorreron os Museos Vaticanos, contemplaron a Capela Sixtina, camiñaron pola Basílica de San Pedro e descenderon ás Grutas Vaticanas. A tarde transformouse nun camiño interior: desde Praza Pía, acompañados polos diocesanos de Mondoñedo-Ferrol, avanzaron con cantos e salmos cara á Porta Santa. Alí, xunto ao altar da Confesión, rezaron o Credo, oraron polo Santo Padre e celebraron a Eucaristía na capela do coro dos cóengos. Foi un día en que a arte e a fe abrazáronse nun mesmo latexado.
O mércores 27 foi o día do encontro con Pedro. A audiencia xeral, desbordada de multitudes, levou aos peregrinos para congregarse na aula Pablo VI, os patios e finalmente a Basílica de San Pedro. Alí escoitaron o seu nome ecoar en Roma: “peregrinos de Santiago de Compostela”. O arcebispo saudou ao Papa León XIV e convidou o Sucesor de Pedro a peregrinar a Compostela no Ano Santo de 2027. A xornada prolongouse na Basílica de San Paulo Extramuros, coa celebración da Eucaristía, e culminou cun paseo pola Roma máis popular: o Coliseo, os Foros, a Praza Venecia, a Isla Tiberina e o Trastévere, onde a cea e a oración en Santa María in Trastevere puxeron o broche a un día inesquecible.
l
O xoves 28, penúltima xornada, abriuse aos pés da Virxe na Basílica de Santa María a Maior, ante a Salus Populi Romani. Desde alí, os peregrinos visitaron Santa Práxedes e emprenderon o seu camiño a pé pola Vía Merulana ata a Basílica de San Xoán de Letrán, a catedral de Roma. Cruzaron a Porta Santa, celebraron a Eucaristía no Altar Maior e moitos subiron de xeonllos a Scala Santa, revivindo en carne propia a paixón de Cristo. A tarde encheuse de luz e cor nas prazas de Roma: Piazza do Popolo, Piazza dei Spagna, a Fontana dei Trevi, o Panteón, Santa María Sopra Minerva, San Ignacio, Navona e o Campo de Fiori. Entre xeados, pizzas e recordos, a cidade entregouse como un agasallo de hospitalidade e beleza.
O venres 29, último día, foi un descenso ao corazón de la Iglesia nacente. As Catacumbas de San Calixto acolleron aos peregrinos co seu silencio de pedra e memoria. Guiados en pequenos grupos, percorreron os corredores onde repousan papas, mártires e santos como Santa Icía. Alí celebraron a última Eucaristía, presidida polo arcebispo, lembrando o martirio de San Xoán Bautista e a valentía dos primeiros cristiáns. Foi a despedida máis solemne e simbólica, antes de emprender o regreso a Galicia.
O balance non puido ser máis positivo: días de oración, cultura, comuñón e proximidade fraterna. Os peregrinos regresaron agradecidos pola beleza do vivido e pola compañía, sempre próxima e atenta, do seu pastor monseñor Francisco José Prieto Fernández.
Roma despídese, pero o sementado neste Xubileu seguirá xerminando en Compostela. Porque esta viaxe non foi só un desprazamento, senón un camiño da alma: semente de comuñón e esperanza que florecerá en cada parroquia, en cada comunidade, en cada corazón.
Noticias relacionadas:
- A Arquidiocese de Santiago peregrina a Roma no Xubileu da Esperanza
- Roma abre as súas portas aos peregrinos de Santiago no inicio do Xubileu da Esperanza
- Os peregrinos de Santiago viven o seu segundo día en Roma entre arte, oración e camiño interior
- Encontro do arcebispo de Santiago, mons. Francisco José Prieto Fernández, co Papa León XIV
- Encontro co Papa e oración en San Paulo Extramuros: terceiro día dos peregrinos de Santiago en Roma
- O cuarto día da peregrinación diocesana une oración, penitencia e camiño no corazón de Roma
- Os peregrinos diocesanos conclúen nas catacumbas o seu camiño xubilar en Roma
