A Santa Sé fixo público o sábado 1 de abril de 2023 o nomeamento de Mons. Francisco José Prieto Fernández como Arcebispo da Diocese de Santiago de Compostela.

Mons. Francisco José Prieto Fernández foi ordenado bispo o día 10 de abril de 2021, na Catedral de Santiago de Compostela, polo arcebispo Mons. Julián Barrio Barrio.

Na Conferencia Episcopal Española é membro da Comisión Episcopal para as Comunicacións Sociais e da Subcomisión Episcopal para o Patrimonio Cultural.

Naceu en Ourense o 18 de agosto de 1968. Cursou estudos eclesiásticos no Instituto Teolóxico “Divino Mestre” de Ourense, centro afileado á Facultade de Teoloxía da Universidade Pontificia de Salamanca (1986-1992) e foi ordenado sacerdote o 26 de xuño de 1993.

É licenciado en Teoloxía Patrística pola Facultade de Teoloxía da Universidade Gregoriana de Roma (1992-1994) e doutor en Teoloxía Bíblica pola Facultade de Teoloxía da Universidade Pontificia de Salamanca (2008).