Español
Galego
O vindeiro sábado 15 de novembro, nas instalacións de La Salle (Santiago), celebrarase un encontro diocesano no que se presentará o Plan Pastoral 2026-2029 da Arquidiocese. A xornada reunirá a sacerdotes, relixiosos e relixiosas, laicos, axentes de pastoral, e membros de grupos, movementos, asociacións e confrarías.
A acollida e o pago do xantar realizaranse a partir das 9:30 horas, dando paso, ás 10:15, aos saúdos iniciais e a oración. Posteriormente, o arcebispo de Santiago, mons. Francisco José Prieto Fernández, presentará as liñas xerais do Plan Pastoral cuatrienal, así como as tres prioridades pastorais e os tres obxectivos específicos que orientarán a acción de la Iglesia diocesana durante os próximos anos.
Tras un breve descanso ás 12:15, a sesión continuará ás 13:00 cun momento de recollida do sentir dos participantes, seguido dun tempo de loanza e oración e a conclusión do encontro matutino.
O xantar está previsto para as 14:30 en San Martiño Pinario (cun custo de 20 €). A inscrición deberá realizarse de forma nominal a través dos arciprestes e vicearciprestes, ou mediante as delegacións no caso dos participantes vinculados a elas.
Pola tarde, ás 16:30, os asistentes accederán á Catedral de Santiago para o ensaio de cantos, culminando a xornada coa celebración da Eucaristía ás 17:00 horas.
