Comunicado

Reunido o Excmo. Cabildo da Catedral en sesión ordinaria o pasado martes, 8 de xullo de 2025, previa citación escrita, coa asistencia dos Moi Ilustres Sres.: Fernández Lago, Lorenzo Santos, Temperán Villaverde, Álvarez Varela, Ferreiro Méndez, Formoso Fernández, Buide do Real, Suárez Gondar, Fernández Farto, Castro Lodeiro, procedeuse, segundo o cuarto punto da orde do día e como indica o artigo 58.1. dos Estatutos, á elección do Deán-Presidente.

Lidos os artigos correspondentes dos Estatutos polo M. I. Sr. Temperán Villaverde, Secretario do Cabildo, e visto que se cumprían todos os requisitos necesarios, procedeuse á votación.

Feito o escrutinio e superándose na terceira votación os dous terzos dos votos emitidos, resultou elixido Deán-Presidente o M. I. Sr. Don Manuel Jesús Formoso Fernández que substitúe no cargo ao M. I. Sr. Don José Fernández Lago.

Dita elección foi comunicada ao Excmo. Sr. Arcebispo para a súa confirmación no cargo, tal como indícase no artigo 7.2. dos Estatutos e o canon 509.1 do Código de Dereito Canónico, sendo confirmada no día de onte 9 de xullo.

O nomeamento realízase por un período de catro anos, renovable por outro período consecutivo.

Entre as funcións do novo deán ademais de representar institucionalmente á entidade, está presidir as celebracións litúrxicas da Catedral, convocar e dirixir as sesións do Cabido, así como garantir o cumprimento dos estatutos.

En próximas datas anunciarase o día no que o novo Deán-Presidente tomará posesión do seu cargo.