Español
Galego
O arcebispo chamou tamén aos cristiáns para mirar a fraxilidade humana coa mesma misericordia coa que Dios contempla os seus fillos. Neste sentido, reclamou capacidade para perdoar, reconciliarse e achegarse a quen atravesa momentos de dificultade.
Unha chamada a permanecer xunto aos demais.
O prelado compostelán abordou tamén a necesidade de permanecer ao lado de quen sofre. A partir da actitude de María, que permaneceu xunto a Isabel, ao pé da cruz e cos discípulos, invitou os fieis a non apartarse ante as dificultades dos demais.
O arcebispo chamou a non «mirar para outro lado» e defendeu unha presenza cristiá na sociedade baseada na misericordia, a fraternidade e a xustiza.
Nesta tarefa incluíu tamén o respecto á dignidade de cada persoa e a toda vida. Reivindicou a necesidade de proclamar a verdade sobre o ser humano e de recoñecer a pegada de Dios en cada persoa, como expresión concreta desa misericordia.
Para o arcebispo, esta resposta debe darse no camiño cotián, a través de xestos e palabras: «Onde está presente un cristián, un discípulo, un fillo de Deus, un fillo de María ten que estar presente en palabra e en xesto a misericordia de Deus».
María, compañeira de camiño para os peregrinos.
Finalmente, o arcebispo vinculou a figura de María coa experiencia do peregrino. Lembrou que a Virxe «se puxo en camiño» e permaneceu durante tres meses xunto a Isabel, unha imaxe que trasladou á vida diaria dos cristiáns.
«María abrázanos desde o ceo», afirmou o arcebispo, antes de invitar os peregrinos e a todos os fieis a converterse tamén en compañeiros de camiño de quen comparte a súa existencia.
A celebración da Asunción concluíu cunha chamada a vivir a fe desde o agradecemento, a misericordia e a fraternidade, baixo a intercesión do apóstolo Santiago e con María como referencia dunha vida entregada a Deus e próxima aos demais.
