Celebración da Pascua na Confraría da Quinta Angustia

A Confraría da Quinta Angustia, unha das máis antigas de Santiago, celebrou con fervor e devoción o martes de Pascua na Capela da nosa Señora. Con raíces que se remontan ao século XV, esta irmandade caracterízase pola súa humildade e polo seu compromiso co barrio de San Pedro e a súa parroquia, mantendo unha vocación de servizo que perdurou a través de xeracións.

Nesta festividade, dedicada á titular da capela, os confrades conmemoran a vitoria sobre a morte de Cristo, transformando a dor do Venres Santo nun canto de esperanza e celebración.

A xornada adquiriu un significado especial este ano coa presenza do arcebispo de Santiago de Compostela, mons. Francisco José Prieto, quen presidiu a Eucaristía Solemne que tivo lugar ás 19:30 horas.

Na súa intervención, o prelado compostelán lembrou as tres palabras que representan a misión da Confraría e que foron repetidas polo Papa Francisco: Terra, Teito e Traballo. Terra, sobre a que no seu día se edificou este templo, Teito, baixo o que se reúnen para acompañar á nosa Nai e Traballo, o que se desenvolve para manter a vida da Confraría.

A Confraría expresou a súa gratitude pola presenza do Arcebispo nun día tan significativo, consolidando os lazos entre a irmandade e a diocese.