Español
Galego
- O arcebispo mons. Francisco José Prieto invita a reflexionar sobre a verdade, o sufrimento e a esperanza desde a cruz.
O arcebispo repasou as distintas actitudes que aparecen no relato da Paixón -a traizón de Xudas, a negación de Pedro ou o clamor do pobo- como exemplos de como a verdade pode ser distorsionada ou negada. Con todo, afirmou en que “a verdade non morre”, mesmo cando é crucificada, porque nela reside unha forza que transcende o sufrimento. Neste sentido, definiu a cruz como unha “verdade que doe, pero que ilumina”.
O prelado tamén incluíu unha chamada a non permanecer indiferentes ante o dor allea. Evocou as realidades de guerra, violencia e sufrimento que persisten no mundo, sinalando que “segue habendo cruces e crucificados” na actualidade. Neste contexto, animou aos fieis para converterse en apoio e consolo para quen padece, como os cireneos do Evanxeo.
Así mesmo, tivo un recordo para Terra Santa, invitando á oración e a solidariedade cos seus habitantes, nunha rexión que, lembrou, continúa marcada polo conflito e a incerteza.
Finalente, o arcebispo dirixiu a mirada cara á esperanza que se abre máis aló do sepulcro. Así, subliñou a importancia do silencio propio do Venres e Sábado Santo como tempo de espera confiada.
A celebración concluíu coa adoración solemne da cruz, vivido polos asistentes nun clima de oración contemplativa e profundo respecto. A Catedral permaneceu en silencio durante boa parte do acto, reforzando o carácter introspectivo da xornada.
Os actos litúrxicos continuarán este Sábado Santo coa Solemne Vixilia Pascual, que se celebrará ás 22.00 horas e estará tamén presidida polo arcebispo. Esta cerimonia marcará o paso do silencio do sepulcro á proclamación da Resurrección.
