Os alumnos da Escola Naval de Marín culminan a súa peregrinación a Santiago

Uns 120 alumnos da Escola Naval Militar de Marín completaron a pasada semana a súa xa tradicional peregrinación a Santiago de Compostela, como antesala ao cruceiro de instrución que comezará este mércores.

Durante tres xornadas percorreron a pé os últimos 80 quilómetros do Camiño Portugués, desde Marín ata a capital galega, acompañados por profesores e mandos do centro. O venres pola mañá, entraron na Praza do Obradoiro marchando en formación e entoando cánticos militares, nunha chegada que captou a atención de numerosos peregrinos e turistas.

Posteriormente asistiron á Misa do Peregrino, presidida polo arcebispo de Santiago, Francisco José Prieto Fernández.