Cáritas Diocesana de Santiago de Compostela lanza os seus novos perfís nas redes sociais para estar máis cerca da sociedade

Cáritas Diocesana de Santiago de Compostela dá un novo paso no seu compromiso coa transparencia, a proximidade e a comunicación directa coa sociedade, estreando perfís oficiais en redes sociais.

A partir de hoxe, a entidade estará presente en Facebook, Instagram, LinkeIn, Twitter/X, TikTok e Youtube, canles a través dos cales se ofrecerá información actualizada sobre as súas actividades, campañas, programas sociais, voluntariado e noticias de interese para a comunidade.

“Queremos estar máis preto das persoas e compartir o traballo que realiza Cáritas na diocese cunha linguaxe próxima, accesible e transparente”, sinalou Pilar Farjas, directora de Cáritas Diocesana de Santiago.

Co fin de escoitar, acompañar, orientar e actuar desde o corazón coa finalidade de conseguir unha sociedade máis xusta e máis humana, a entidade anima a seguir e compartir os seus perfís:

Os programas de Cáritas Diocesana de Santiago de Compostela chegan a unha poboación potencial de máis de 1,3 millóns de persoas nas provincias da Coruña e Pontevedra, a través das Cáritas Parroquiais e Interparroquiais da Coruña, Arousa, Carballo, Pontevedra e Santiago. Un total de 110 concellos.