O Seminario Maior Interdiocesano «Apóstolo Santiago» inaugura o curso 2024-2025

Hoxe, luns 30 de setembro, o Seminario Maior Interdiocesano «Apóstolo Santiago» de Galicia inaugurou o novo curso 2024-2025, cunha eucaristía presidida polo arcebispo de Santiago de Compostela, Mons. Francisco José Prieto, na Catedral compostelá; concelebraban os obispos de Mondoñedo-Ferrol, Mons. Fernando G. Cadiñanos, e o bispo de Tui-Vigo, Mons. Antonio Valín. Con esta celebración, emprende a súa andaina de forma oficial este Seminario Interdiocesano, conformado por 23 seminaristas procedentes das dioceses mindoniense, compostelá e tudense, que son atendidos por tres formadores pertencentes a esas dioceses.