Seminaristas do Interdiocesano Apóstolo Santiago participan nas Xornadas Formativas de Verán da Conferencia Episcopal Española

Unha ampla representación dos seminaristas maiores do Seminario Interdiocesano Apóstolo Santiago participou neste mes xullo nas Xornadas Formativas de Verán para Seminaristas organizadas pola Conferencia Episcopal Española (CEE), celebradas na Casa Diocesana de Málaga. Nelas participaron seminaristas de distintas dioceses españolas co obxectivo de complementar a súa formación humana, espiritual, pastoral e intelectual durante o período estival.

Entre os contidos desenvolvidos destacaron a iniciación cristiá, a presidencia litúrxica, a comunicación do Evanxeo no ámbito dixital, a aplicación da intelixencia artificial á acción pastoral desde criterios éticos e o novo Proxecto Marco de Pastoral coa Mocidade, Poñédevos en Camino. Estas sesións estiveron coordinadas por diversas comisións episcopais especializadas da Conferencia Episcopal Española, poñendo de manifesto o carácter interdisciplinar e eclesial da formación.

Máis aló das sesións académicas, as xornadas favoreceron o encontro entre seminaristas procedentes de diferentes realidades eclesiais, fortalecendo os lazos de fraternidade e comuñón entre quen se prepara para o ministerio sacerdotal. “Foi unha oportunidade para seguir crecendo xuntos na vocación”, destacou Joel, seminarista do Interdiocesano Apóstolo Santiago.