O ITC celebrará en setembro as XXV Xornadas de Teoloxía para reflexionar sobre o legado de Gaudium et Spes

O Instituto Teolóxico Compostelán celebrará os próximos 2 e 3 de setembro as XXV Xornadas de Teoloxía, un encontro académico que, baixo o lema “Fe para un mundo novo”, conmemorará o 60 aniversario da Constitución pastoral Gaudium et Spes do Concilio Vaticano II.

A cita terá lugar en Santiago de Compostela e reunirá a recoñecidos profesores e investigadores para reflexionar sobre a actualidade e vixencia dun dos documentos máis influentes do pensamento contemporáneo da Igrexa. As xornadas comezarán o mércores 2 de setembro co acto de benvida e o saúdo institucional do arcebispo de Santiago de Compostela, Mons. Francisco José Prieto Fernández, seguido da presentación oficial a cargo do director do Instituto Teolóxico Compostelán, Alfonso Novo Cid-Fuentes.

A primeira sesión académica estará dedicada a analizar o contexto relixioso e cultural das sociedades actuais. A profesora Zaida Espinosa Zárate, da Universidade Loyola, abrirá o programa coa conferencia “Máis aló da secularización: relixión, fe e sentido en sociedades post-seculares”. Posteriormente, José Alberto Barrera Marchesi, da Asociación Nunc Coepi, profundará na evolución histórica desde a cristiandade cara á sociedade postcristiana e a súa relación con Gaudium et Spes.

Durante a tarde, o profesor César Izquierdo Urbina, da Universidade de Navarra, analizará o proceso de diálogo impulsado pola Constitución pastoral desde unha perspectiva teolóxica, mentres que Martín Carbajo Núñez, da Pontificia Universidade Antonianum, ofrecerá unha reflexión sobre a conciencia, a liberdade e a verdade no contexto do actual paradigma tecnocrático.

A segunda xornada, o xoves 3 de setembro, continuará cunha mirada centrada na misión de la Iglesia e a comprensión do ser humano á luz da mensaxe cristiá. Pedro Fernández Castelao, da Universidade Pontificia de Comillas, abrirá a sesión cun relatorio sobre o misterio do home en relación co misterio de Cristo.

A continuación, Miguel López Varela, do Instituto Teolóxico Compostelán e da Universidade Pontificia de Salamanca, abordará o papel de la Iglesia no mundo actual desde as claves do diálogo, o discernimiento e o testemuño. Pola tarde, Michele Taba, da Universidade Eclesiástica Santo Dámaso, propoñerá unha lectura actualizada de Gaudium et Spes seis décadas despois da súa promulgación.

O programa concluirá coa intervención do cardeal José Tolentino Calaça de Mendonça, prefecto do Dicasterio para a Educación e a Cultura, quen participará mediante un videomensaje coa conferencia “A Igrexa e o progreso da cultura”, antes do acto oficial de clausura organizado polo comité responsable das xornadas. O encontro está dirixido tanto ao público xeral como a estudantes de institucións teolóxicas e universitarias. Os asistentes poderán participar de forma presencial ou en modalidade en liña e, unha vez finalizadas as xornadas, recibirán un diploma acreditativo xunto coas actas do congreso.