Español
Galego
- Mons. Francisco José Prieto Fernández presidiu as celebracións con motivo da chegada, por primeira vez, das reliquias do Apóstolo Santiago á cidade italiana.
- A visita pastoral pon de relevo el valor universal do Camiño de Santiago como itinerario de fe, comuñón e esperanza.
- As comunidades de Santiago de Compostela e Matera dan un novo paso cara á un irmandamento espiritual inspirado na figura do Apóstolo.
A presenza das reliquias do Apóstolo, custodiadas na Catedral de Santiago de Compostela, constituíu un dos momentos centrais do camiño de preparación para a festa de San Giacomo, que se celebrará entre os días 16 e 25 de xullo. A veneración pública das reliquias durante as celebracións eucarísticas permitiu aos fieis de Matera vivir un acontecemento extraordinario que fortalece os lazos históricos e espirituais entre ambas as Igrexas, unidas pola tradición da peregrinación e a acollida ao peregrino.
No marco da visita, celebrouse na parroquia de San Giacomo o seminario de estudo «Peregrinos e peregrinación. O Camiño de Santiago», un espazo de reflexión dedicado a profundar nas dimensións histórica, cultural e espiritual da peregrinación xacobea. Nel participaron representantes da Arquidiocese de Santiago de Compostela e diversos testemuños vinculados ao Camiño, que compartiron as súas experiencias e reflexións sobre o valor da peregrinación como itinerario de fe, encontro e crecemento persoal.
Durante a súa intervención, o arcebispo compostelán destacou que esta visita constitúe unha expresión concreta da comuñón entre as Igrexas particulares e da universalidade da Igrexa. “Vivimos unha fraternidade entre Santiago de Compostela e esta parroquia de Matera”, afirmou, á vez que subliñou que o Camiño de Santiago continúa sendo unha chamada dirixida a todas as comunidades cristiás para percorrer xuntas o camiño da fe.
Mons. Prieto invitou os fieis a vivir a peregrinación como unha experiencia comunitaria que conduce cara ao encontro co Señor. Así mesmo, explicou que a chegada a Santiago de Compostela non representa a meta definitiva do cristián, senón un signo que remite ao horizonte último da vida, a comuñón plena con Deus
Na súa reflexión sobre a figura de Santiago o Maior, o arcebispo lembrou a vocación do Apóstolo como discípulo chamado por Cristo a anunciar o Evanxeo. Esa chamada, explicou, segue sendo hoxe a misión de toda a Igrexa: dar testemuño dunha fe apostólica vivida con alegría, esperanza e espírito misioneiro.
No seminario interveu José Andrés Fernández Farto, quen ofreceu unha reflexión sobre a realidade actual do Camino de Santiago e a evolución que experimentou a peregrinación xacobea nas últimas décadas. Durante a súa exposición destacou como o Camiño pasou de ser unha tradición profundamente arraigada en Europa a converterse nun fenómeno de alcance mundial, capaz de atraer cada ano a peregrinos de todos os continentes e de perfís moi diversos.
O vicario xeneral sinalou que este crecemento veu acompañado dunha notable internacionalización da peregrinación, dunha maior diversidade de idades, procedencias e motivacións, así como da incorporación de novas ferramentas tecnolóxicas ao servizo do peregrino. No entanto, subliñou que, máis aló da súa dimensión cultural e turística, o Camiño mantén intacta a súa capacidade para ofrecer un espazo de silencio, reflexión e procura de sentido.
Fernández Farto lembrou que a experiencia xacobea segue estando marcada por valores como o esforzo compartido, a hospitalidade, a apertura ao encontro co outro e a conciencia de camiñar cara a unha meta, aspectos que continúan outorgando ao Camino unha profunda actualidade na sociedade contemporánea. Finalmente, puxo de relevo a misión de la Iglesia compostelá de acoller e acompañar aos peregrinos nas súas diversas procuras, facendo de Santiago de Compostela unha auténtica meta espiritual e un lugar de encontro con Cristo.
Os responsables da parroquia de San Giacomo cualificaron a presenza do arcebispo compostelán e das reliquias do Apóstolo como “unha graza de Dios” e un acontecemento que permanecerá na memoria da comunidade parroquial e de toda a cidade de Matera. Así mesmo, expresaron o seu desexo de que esta visita marque o inicio dun camiño de colaboración e irmandamento coa Igrexa Compostelá, inspirado na figura do Apóstolo Santiago e na experiencia compartida da peregrinación.
A visita enmárcase tamén nun contexto de crecente interese polo Camiño de Santiago entre os fieis italianos, especialmente na rexión de Basilicata, desde onde cada ano numerosos peregrinos emprenden o roteiro xacobeo ata Compostela. Neste sentido, Mons. Prieto animou a descubrir o Camiño como un espazo privilexiado para a conversión, o encontro con Deus e cos irmáns e o redescubrimiento do sentido profundo da existencia.
As celebracións concluíron cunha a Eucaristía presidida polo arcebispo de Santiago na parroquia de San Giacomo, na que numerosos fieis puideron venerar as reliquias do Apóstolo e recibir a bendición con elas. Un xesto cargado de simbolismo que expresa a proximidade espiritual entre Compostela e Matera e que reforza a vocación universal de Santiago como lugar de encontro, acollida e esperanza para os peregrinos de todo o mundo.
