Español
Galego
Esta mañá, a Oficina de Acollida ao Peregrino, entregaba a Compostela número 500.000 deste ano 2025, durante un acto no que participou o Arcebispo de Santiago, Monseñor Francisco Prieto, e o presidente da Xunta de Galicia, Alfonso Rueda. Chegado na tarde deste domingo 19 de outubro, o peregrino 500.000 resultou ser Jairo Forero, de Colombia, que realizou a peregrinación a Santiago percorrendo o Camiño Portugués desde Baiona. Fíxoo acompañado do seu fillo, Nicolás, e peregrinaron en recordo da súa esposa e nai, falecida o pasado mes de decembro.
Durante o acto, Monseñor Prieto quixo subliñar a riqueza do Camiño de Santiago, que «vai levando a cabo unha transformación progresiva, que vai facendo que aquel que camiña se vaia descubrindo como peregrino, e así chega, nesa condición vital, espiritual, que fai quen aquí chega, aínda que cos pés cansos, faino co gozo de cumprir unha meta, feito que continúa nun corazón e unha vida transformados por esta experiencia».
