O Pazo de Raxoi acolleu esta mañá a cerimonia na que o alcalde compostelán, Xosé Sánchez Bugallo e o seu homólogo bracarense, Ricardo Río, formalizaron un convenio de irmandamento entre Santiago e Braga. O acto contou, entre outras autoridades, coa presenza do arcebispo de Santiago, mons. Julián Barrio, e o arcebispo de Braga, mons. José Cordeiro.
No marco da visita, durante a fin de semana, membros de ambas as corporacións municipais percorreron o último tramo do Camiño desde o Monte do Gozo ata a praza do Obradoiro.
