Español
Galego
O Cabildo da Catedral de Santiago organizou este venres 17 de xullo un acto de homenaxe a Don José María Díaz, Deán Emérito, falecido hai un ano. O acto, que contou coa presenza do Arcebispo, Monseñor Francisco Prieto, serviu ademais para presentar tres volumes dixitais da revista do Arquivo catedralicio Annuarium Sancti lacobi, en concreto os números 12, 13 e 14, do ano 2026, que foron editados na súa honra. Tres publicacións nas que participaron máis de 50 persoas vinculadas dalgún xeito á traxectoria de Don José María Díaz, entre antigos compañeiros, amigos e estudiosos do fenómeno xacobeo.
Á homenaxe acudiron tamén os bispos de Lugo, Mondoñedo-Ferrol e Ourense, alén do emérito compostelán. Tamén estivo presente Don Pedro Díaz, irmán do homenaxeado.
Durante o acto, o cóengo arquiveiro, Don Francisco Buide, realizou un aspecto da figura de Don José María, mentres que Arturo Iglesias e Elena Novás, membros do arquivo catedralicio, repasaron vivencias e aspectos máis privados de Don José María, que estivo a cargo do Arquivo máis de 30 anos, sendo o artífice da súa modernización na transición entre os séculos XX e XXI. Pola súa banda, o arcebispo compostelán fixo un chamamento a manter vivo o recordo de Don José María Díaz, instando a todos os que se dedican á investigación histórica a seguir o seu exemplo de constancia e rigor no estudo.
O vindeiro luns 20 de xullo, ao 9.30 h, na catedral, celebrarase o funeral de primeiro aniversario.
Fonte: Catedral do Santiago
