Español
Galego
- Cee acolleu a Vixilia Diocesana do DOMUND presidida polo arcebispo de Santiago, unha cita marcada pola oración, o testemuño misioneiro e a esperanza compartida.
- A xornada incluíu tamén a clausura das celebracións polo 75º aniversario do Dogma da Asunción de María, que se viñan desenvolvemendo desde o mes de agosto.
A Virxe, primeira misioneira
A oración, columna da misión
No seu testemuño, Estrela agradeceu a oración e o apoio da comunidade de Cee, asegurando que “cando un misioneiro sente acompañado pola oración doutros, a soidade faise máis levadía”. Contou que na súa zona a poboación estaba a ser desprazada por intereses económicos e mineiros, o que aumentaba a dificultade do traballo pastoral e social.
A misioneira lembrou a importancia do DOMUND como instrumento de axuda real. E engadiu que as achegas chegan ás zonas máis necesitadas do planeta grazas á rede de la Igrexa universal.
Estrela subliñou tamén o valor da educación misioneira desde a infancia. Lembrou a súa propia vocación, nacida a través da revista Aguiluchos, e celebrou que “os nenos sigan aprendendo que eles tamén poden ser misioneiros, levando alegría, axuda e fe a quen os rodea”.
Un froito vivo da misión
Ao concluír a Eucaristía, o párroco Desire Kouakou tomou a palabra para agradecer a presenza do arcebispo e compartir un testemuño persoal profundamente conmovedor. Lembrou con emoción a súa propia historia familiar, froito directo da labor misioneira en África. Contou que o seu avó foi o primeiro catequista do seu pobo grazas aos misioneiros, e que a súa nai e os seus tíos foron criados e educados por eles cando quedaron orfos. “Sen os misioneiros -afirmou- eu non estaría hoxe aquí. Eles foron quen sementaron a fe na miña familia. Deron a vida, construíron escolas e hospitais, abriron camiños onde non os había”.
O párroco ilustrou o labor misioneiro como unha sementeira paciente. Para Kouakou, quen anuncia o Evanxeo depositan pequenas sementes de fe que, co tempo, xerminan e dan froito no corazón das persoas.
Unha xornada de fe, memoria e compromiso
A celebración do Día do DOMUND en Cee foi moito máis que unha conmemoración litúrxica. Foi unha xornada de memoria agradecida e compromiso renovado, na que se entrelazaron as historias persoais, os testemuños de fe e a chamada universal á misión.
O santuario da Virxe da Junqueira encheuse de oracións, cantos e emocións compartidas. Cada xesto, cada palabra e cada silencio lembraron o sentido profundo do lema deste ano: “Misioneiros de esperanza”.
Baixo a mirada da Virxe, os fieis reafirmaron o seu desexo de vivir a fe cun corazón aberto e solidario. Como subliñou o arcebispo Prieto Fernández, a esperanza non é un ideal abstracto, senón un compromiso que se constrúe cada día.
A comunidade de Cee despediu a xornada co convencemento de que a misión continúa en cada xesto cotián, en cada oración compartida e en cada palabra de consolo. Foi unha tarde luminosa de fe, na que a Virxe da Junquera volveu reunir ao seu pobo baixo o signo da esperanza e o amor misioneiro.
