Español
Galego
- O Arcebispado de Santiago acolleu este mércores a presentación do relato divulgativo de Bruno Padín Portela, que sitúa a San Vicente do Grove como unha das portas marítimas da Traslación do Apóstolo.
Hoxe mércores, 3 de decembro ás doce do mediodía, no Arcebispado de Santiago de Compostela presentouse oficialmente o relato divulgativo sobre a Translación do Apóstolo Santiago ao seu paso polo Grove, cando se cumpren 40 anos do achado da Moeda Xacobea no xacemento de Adro Vello, en San Vicente do Grove. Unha pequena peza de metal que, catro décadas despois, segue agrandando a historia.
Bruno Padín Portela, doutor en Historia e profundo coñecedor do pasado do Grove, reivindicou o valor arqueolóxico, cultural e simbólico da moeda atopada o 22 de agosto de 1985 por unha estudante da Universidade de Santiago de Compostela durante unhas escavacións dirixidas polo profesor José Carro Otero. “Foi un achado casual, como ocorre moitas veces na arqueoloxía, pero cambiou a nosa mirada sobre este territorio”, explicou.
có.
A moeda, de tan só 13 milímetros de diámetro, 0,33 de espesor e 0,28 gramos de peso, data do reinado de Fernando II (1157–1188) e é considerada unha das representaciones iconográficas máis antiguas da Translación do Apóstolo. No seu reverso aparece o cuerpo de Santiago na barca funeraria, acompañado polos seus discípulos Atanasio e Teodoro, e a inscripción “Santi Jacobi”, referencia á ceca compostelá.
“Ese pequeno obxeto marcou un antes e un despois no estudo da ruta xacobea por mar”, afirmó Padín, quen sostén que O Grove, en especial o Adro Vello, foi unha porta natural de entrada cara a Iria Flavia e Padrón no lendario translado do corpo do Apóstolo desde Terra Santa.
Un enclave con dous milenios de historia
Pero a moeda é só un capítulo dentro dunha historia moito máis ampla. Padín lembrou que ,Adro Vello foi unha importante vila romana entre os séculos I e V despois de Cristo cunha potente industria de salgadura, especialmente de sardiña, destinada á exportación: “Pasamos dunha economía de subsistencia a un modelo produtivo capaz de abastecer mercados afastados”.
Ademais, existen referencias documentais a San Vicente do Grove xa desde a Alta Idade Media, cando o enclave era citado mesmo como illa. Todo iso reforza a súa relevancia histórica como punto estratéxico do noroeste peninsular.
Desde 2017, unha escultura na igrexa de San Vicente lembra a moeda da Translación, permitindo a veciños e visitantes contemplar unha recreación daquela pequena peza que cambiou a narrativa histórica do lugar.
A cultura galega, unha das máis ricas de Europa
Durante a presentación interviñeron o arcebispo de Santiago, mons. Francisco José Prieto Fernández, e o secretario xeral de Política Lingüística da Xunta, Valentín García Gómez. Ambos coincidiron en subliñar o valor deste tipo de traballos para comprender as raíces de Galicia e do propio Camiño de Santiago.
“O Camiño, a Translación, a chegada do Apóstolo… todo forma parte da historia real da nosa terra e da súa xente”, sinalou o arcebispo. E engadiu: “A historia vaise construíndo como un mosaico, peza a peza, grazas ao traballo paciente da investigación”.
Un enclave con dous milenios de historia
Pola súa banda, Valentín García destacou que “a cultura galega é unha das máis ricas de Europa” e agradeceu a Padín e aos impulsores do proxecto, entre eles o párroco de San Vicente, Juan Ventura Martínez, o seu esforzo por divulgar “este pequeno milagre que foi a aparición da moeda”. Tamén apuntou á importancia de proxectar estes achados en vésperas do próximo Ano Xacobeo 2027, como parte da desestacionalización do fenómeno xacobeo e a súa expansión por todo o territorio galego.
Un relato que mira ao pasado para proxectarse ao futuro
O acto concluíu cunha mensaxe de esperanza e continuidade. “O Camiño e os camiños sempre son tamén as persoas que os percorren”, lembrou o arcebispo. Unha frase que resume ben o espírito deste traballo: rescatar o pasado para entender quen somos e cara a onde camiñamos.
Corenta anos despois do achado daquela diminuta moeda, O Grove volve situarse no mapa da historia xacobea, non só como destino turístico, senón como porta simbólica e real dunha das tradicións máis universais de Galicia. Ás veces, unha peza minúscula basta para descubrir un legado.
