Español
Galego
Esta mañá, a Catedral acolleu a peregrinación de máis de 140 membros da Escola Naval de Marín (oficiais, alumnos e profesores), cunha Eucaristía presidida polo Arcebispo de Santiago de Compostela, mons. Francisco Prieto.
A Escola Naval Militar é o centro de formación para os futuros oficiais da Armada Española e conta co Centro universitario da Defensa. Fundada en 1717 na cidade de Cádiz por iniciativa do ministro José Patiño Rosales, trasladouse a Marín en 1943 debido ás condicións idóneas da ría para as prácticas de navegación.
