Español
Galego
- A igrexa conmemora os 50 años da súa inauguración e 6 décadas desde o inicio da súa construción.
- Monseñor Francisco José Prieto presidiu a eucaristía de aniversario e animou a comunidade a manter vivo o legado recibido.
O Novo Templo de Sanxenxo celebrou este sábado, 15 de agosto, o 50 aniversario da súa inauguración, coincidindo coa solemnidade da Asunción de María. A conmemoración tivo como acto central unha eucaristía celebrada ás 20.00 horas e presidida polo arcebispo de Santiago, monseñor Francisco José Prieto Fernández, quen estivo acompañado polo párroco Samuel García Tacón.
A celebración serviu tamén para lembrar outra data significativa na historia do templo: cúmprense 60 anos desde o inicio das obras, que comezaron en 1965. Os traballos finalizaron en 1976, ano no que o novo templo abriu as súas portas e foi inaugurado.
Unha arquitectura singular.
O Novo Templo é a igrexa máis moderna do municipio de Sanxenxo e responde a un proxecto do arquitecto Joaquín Robles Echenique. O seu deseño rompe coas formas tradicionais e presenta unha planta hexagonal cuberta por un tellado en forma de pirámide graduada.
Cada un dos chanzos da cuberta xira con respecto ao anterior, creando unha estrutura de marcado carácter xeométrico. O acabado exterior é de lousa e todo o edificio está construído en pedra.
A sobriedade é unha dos seus principais características. O exterior carece de ornamentación, mentres que no interior destaca especialmente unha gran cruz de deseño actual, que preside o espazo de culto.
Manter viva unha comunidade aberta ao futuro.
Durante a súa homilía, monseñor Francisco José Prieto vinculou a celebración do aniversario coa traxectoria da comunidade parroquial e co significado da solemnidade da Asunción de María. O arcebispo lembrou as décadas de celebracións, oración e servizo desenvolvidas no templo e agradeceu o labor de sacerdotes, catequistas, colaboradores e todas as persoas que contribuíron a manter viva a parroquia.
O arcebispo subliñou que a celebración non debía quedarse unicamente no recordo do vivido, senón servir tamén para recoñecer a acción de Deus ao longo destes anos e afrontar o futuro con esperanza. «Non quere ser unicamente unha memoria do pasado, unha nostalxia do que foi», sinalou. Neste sentido, tomou a figura de María como referencia dunha Igrexa viva, chamada a avanzar e a «poñerse en camiño».
O arcebispo destacou así mesmo o valor dos pequenos xestos que, ao longo dos anos, foron construíndo a comunidade parroquial. Moitos deles, sinalou, non quedaron rexistrados, pero forman parte de «unha fermosa obra da graza de Deus» desenvolvida no seo da parroquia.
Medio século de recordos e unha responsabilidade cara ao futuro.
A conmemoración presentouse así como un punto de encontro entre pasado, presente e futuro. Mons. Prieto Fernández lembrou a quen formou parte da historia do templo, desde os sacerdotes que exerceron o seu ministerio ata os catequistas, colaboradores e persoas dedicadas á acción sociocaritativa, a acollida e as distintas tarefas da vida parroquial.
O arcebispo animou aos fregueses para asumir a responsabilidade de conservar e transmitir o legado recibido, coa mirada posta no futuro. Serán as próximas xeracións as encargadas de recoller a testemuña, manter viva a memoria do vivido e continuar construíndo a comunidade parroquial.
A celebración deste 50 aniversario queda así ligada a unha idea central: agradecer a historia construída durante cinco décadas, pero tamén seguir edificando unha comunidade viva. Unha comunidade que, en palabras do arcebispo, está chamada a percorrer o camiño, anunciar a vida e acoller a verdade, «que é Cristo, camiño, verdade e vida».
