Español
Galego
A Coresma como camiño de éxodo e esperanza
Lembrou que os corenta días coresmais culminan no Triduo Pascual, coa celebración da paixón, morte e resurrección de Cristo, e afirmou que ese horizonte non é “unha utopía”, senón o camiño aberto por Cristo para os fieis.
Ao referirse ao rito da cinza, resaltou o seu dobre significado: por unha banda, como signo de fraxilidade e morte, e por outro, como anuncio de esperanza.
Escoitar, compartir e coidar as palabras
O arcebispo tamén aludiu á mensaxe coresmal do Papa para este ano, sinalando dúas actitudes fundamentais: a escoita e a apertura da mirada. Explicou que escoitar a palabra de Deus e aos demais resulta esencial para superar a indiferenza e o egoísmo.
Así mesmo, destacou o valor da esmola e o xaxún como expresións de solidariedade e fraternidade. Así, por unha banda indicou que a esmola ten sentido cando o que se ofrece é froito da renuncia persoal para ser compartido con outros, especialmente cos máis necesitados. E por outra banda, o xaxún entendido como a invitación para moderar a linguaxe, evitando palabras ofensivas ou que polarizan.
Finalmente, o arcebispo convidou a acoller a conversión con humildade, seguindo a actitude de María e baixo a intercesión do apóstolo Santiago, para vivir a Coresma como un tempo de renovación persoal e comunitaria.
