Español
Galego
Tras permanecer uns instantes en oración #ante a Porta Santa, León XIV pechouna persoalmente e, a continuación, encabezou a procesión cara ao interior do templo para presidir a Eucaristía da solemnidade da Epifanía, coa que concluíu tamén a súa primeira celebración do Nadal como pontífice.
Na súa homilía, o Papa subliñou o significado espiritual da Epifanía e do Xubileu recentemente concluído: «O Neno que os magos adoran é un Ben que non ten prezo nin medida. É a Epifanía da gratuidade. Non nos espera nos lugares prestixiosos, senón nas realidades humildes». E engadiu: «No seu Fillo contemplaremos e serviremos a unha humanidade magnífica, transformada non por delirios de omnipotencia, senón polo Deus que se fixo carne por amor».
O Xubileu da Esperanza fora inaugurado o 24 de decembro de 2024 polo papa Francisco, pero, tras o seu falecemento en abril, foi concluído polo seu sucesor, nunha circunstancia inédita desde o ano 1700.
Más de 33 millóns de fieis peregrinaron a Roma ao longo deste ano Santo, principalmente procedentes de Italia, Estados Unidos e España. O Xubileu, instituido no ano 1300, celébrase ordinariamente cada vinte e cinco anos como un tempo privilexiado de conversión, perdón e renovación espiritual.
