Español
Galego
A CONFER Galicia, delegación autonómica da Confederación Española de Relixiosos, celebra o seu 50 aniversario cun profundo sentido de gratitude cara a quen dedicou a súa vida ao servizo de Deus e da sociedade desde as distintas formas de vida consagrada. Fundada en 1974, foi durante estas cinco décadas unha plataforma de encontro, coordinación e formación para centos de relixiosas e relixiosos de toda a comunidade.
Unha celebración cargada de simbolismo
O programa conmemorativo comezou cun encontro na igrexa de San Paio de Antealtares, seguida dunha peregrinación á Catedral de Santiago para participar na tradicional Misa do Peregrino.
A cerimonia foi presidida polo arcebispo de Santiago, monseñor Francisco José Prieto Fernández, e concelebrada por monseñor Luis Augusto Campos, bispo de Socorro e San Gil (Colombia), e monseñor Antonio Valín Valdés, bispo de Tui-Vigo. A maioría dos sacerdotes concelebrantes pertencen a ordes relixiosas estreitamente vinculadas a CONFER Galicia.
Acción de grazas por cinco décadas de servizo
Na invocación realizada en nome dos máis de 1.600 consagrados presentes en Galicia, os asistentes expresaron o seu agradecemento polo camiño percorrido ao servizo da Igrexa. Destacouse a riqueza dos carismas fundacionais das congregacións e a diversidade das súas misións: educación, atención a enfermos e maiores, labor social e pastoral, e unha presenza fraterna “que segue viva”.
Os relixiosos dirixíronse ao Apóstolo como “peregrinos de esperanza”, recoñecendo a necesidade de avanzar “cunha visión sinodal e abertos a unha esperanza que nunca defrauda”. Tamén evocaron a imaxe dos discípulos de Emaús, lembrando que, aínda que ás veces non se perciba con claridade, Cristo sempre camiña ao seu lado.
Neste marco, citáronse tamén as palabras do Papa León X, que exhortaba aos consagrados a ser portadores de luz: “Unha luz sinxela pero constante, que nace no interior de cada persoa e ten a capacidade de construír pontes cara a unha paz sincera, sen armas nin artificios”.
Unha mensaxe de esperanza activa
A invocación concluíu cun emotivo agradecemento ao Apóstolo Santiago, “quen trouxo a esta terra a palabra que dá sentido a toda vida humana”, e co firme desexo de seguir camiñando tras as pegadas de Jesús, que “é a razón da nosa vida e da nosa vocación”. Unha mensaxe de esperanza activa
Durante a súa homilía, monseñor Prieto animou aos asistentes para vivir o presente cunha fe activa, evitando tanto a nostalxia paralizante como o idealismo baleiro. Subliñou que cada día é un don que debe vivirse como oportunidade e como misión. Agradeceu a ofrenda presentada en nome de CONFER Galicia e destacou o carácter eucarístico e fraterno do encontro: “Todos nos recoñecemos como peregrinos cara á casa do Pai”. Nun mundo marcado pola incerteza, a violencia e a división, expuxo preguntas esenciais nadas do Evanxeo proclamado: “A quen servimos? En quen confiamos? Que esperamos?”. Chamou a evitar un estilo de vida egoísta e pechado, convidando a vivir desde a fe, a caridade e a esperanza. “Habemos de mirar o tempo que se nos deu como o tempo que se nos confiou, porque aí cada un de nós somos misión e tarefa”. Proximidade cos máis vulnerables Nun xesto de humanidade e proximidade, o arcebispo dirixiu unhas palabras especiais a un grupo de fieis ucraínos presentes na celebración: “Non vos esquecemos e oramos pola paz”, lamentando que “a humanidade segue vivindo, eu diría, escandalosamente” entre guerras, violencia e exclusión. Monseñor Prieto enlazou a súa mensaxe co Xubileu de 2025 convocado polo Papa Francisco, convidando a vivilo como un tempo de peregrinación interior: “Cando o Papa o convocou, convidábanos a vivilo como peregrinos en e da esperanza. Esa é a clave”. Subliñou que esta esperanza non é evasiva nin inxenua, senón unha forza transformadora ancorada no Evanxeo e a comuñón eclesial. Neste sentido, citou ao papa san León Magno: “Tendede pontes, non levantedes muros”, lembrando que a primeira ponte que debemos cruzar é o da reconciliación con Deus e co próximo: “En Cristo somos abrazados na misericordia do Pai (…) Ese é a primeira ponte que temos que atravesar”. Recoñecemento ao valor da vida consagrada Un dos momentos máis emotivos da homilía chegou cando o arcebispo dirixiuse directamente aos relixiosos e relixiosas galegos, recoñecendo o valor da súa traxectoria e a riqueza dos seus carismas. Animoulles a non perder a esperanza nin deixarse abater pola fraxilidade: “Aí somos fortes porque nos damos conta de que soamente no Señor, cando vivimos o seguimento como discípulos, atopamos a nosa verdadeira forza”. Tamén valorou o traballo silencioso e comprometido de tantas relixiosas e relixiosos presentes en parroquias, escolas, hospitais e outros lugares onde poucos chegan. Ao final da súa intervención, lembrou que a vida cristiá non debe converterse en rutina nin en mera supervivencia, senón vivirse como entrega. Chamou a coidar toda vida, en todas as súas etapas, e a vivir con confianza mesmo no medio das dificultades.
Un día para compartir e celebrar
A xornada continuou cunha conferencia no colexio La Salle, seguida dun xantar fraterno e un acto cultural e musical na igrexa de San Domingos de Bonaval, que pechou o encontro con emoción e calidez.
A voz de quen constrúe comunidade
En declaracións recentes, Sor Margarita —Filla da Caridade e presidenta da xunta de CONFER na zona de Santiago— subliñou o papel esencial da CONFER como nexo de unión da vida consagrada en Galicia, en estreita conexión coa pastoral diocesana. “Se algún día desaparecese, a vida consagrada en Galicia resentiríase profundamente. Articúlanos, fortalécenos e impúlsanos a avanzar con sentido de Iglesia”, afirmou.
Na mesma liña, José Reboiras, secretario de CONFER Galicia, destacou o impacto do seu labor: “Celebramos cinco décadas de servizo á vida consagrada en Galicia, cunha presenza sólida na educación —máis de cen centros escolares—, no ámbito sanitario e residencial, así como na actividade parroquial, a catequese e a promoción cultural”. Tamén valorou a importancia do “labor silencioso” de moitas comunidades relixiosas no medio rural, “onde a súa proximidade e entrega cotiá marcan unha diferenza real”. Memoria agradecida, horizonte de esperanza Ao longo deste ano conmemorativo, CONFER Galicia continuará desenvolvendo diversas actividades para celebrar este medio século de historia compartida.
Cincuenta anos que son, á vez, memoria agradecida e horizonte de esperanzaA invocación concluíu cun emotivo agradecemento ao Apóstolo Santiago, “quen trouxo a esta terra a palabra que dá sentido a toda vida humana”, e co firme desexo de seguir camiñando tras as pegadas de Xesús, que “é a razón da nosa vida e da nosa vocación”.
za.
