Presentación de novos párrocos na Barbanza

Hoxe domingo 25 de febreiro, o arcebispo de Santiago de Compostela, mons. Francisco Prieto, presentou pola mañá a Juan Carlos Martínez Mariño, que actuará como moderador, e Juan José Bermúdez Abuín, como párrocos in solidum de santa Baia de Araño, santa María de Isorna e Divino Salvador de Taragoña, no arciprestado de Iria Flavia, e san Martiño de Fruime, no Arciprestado de Postmarcos de Arriba.

Xa pola tarde, mons. Prieto presentou a Juan José Bermúdez Abuín, que actuará como moderador, a Marcelino Barros Redondo e a Juan Carlos Martínez Mariño como párrocos in solidum da Unidade Pastoral de Boiro, formada polas parroquias de santa Baia de Boiro; san Cristovo de Abanqueiro; san Pedro de Bealo; santa María de Cabo de Cruz-Castro; san Vicenzo de Cespón; santo André de Cures e san Xoán de Macenda, no arciprestado de Postmarcos de Abaixo.