Os tres seminaristas que serán ordenados sacerdotes este próximo domingo na Catedral ultiman a súa preparación

• O bispo auxiliar presidiu hoxe o acto no que os futuros presbíteros fan profesión de fe e das súas promesas sacerdotais

O arcebispo de Santiago de Compostela, monseñor Julián Barrio, presidirá este próximo domingo día 4 de xullo a solemne Eucaristía na que serán ordenados sacerdotes Carlos Camiño Lema, natural de Cambeda; Javier Carballo Mouzo, de Vimianzo; e Juan Sanjurjo Arias, natural de Arteixo. A cerimonia terá lugar a partir das 18:00 horas na Catedral de Santiago. Ao longo destas últimas semanas, o Seminario Maior estivo ultimando os preparativos das Sagradas Ordes que recibirán os candidatos. Hoxe, xoves, o bispo auxiliar, monseñor Francisco José Prieto Fernández, presidiu o xuramento dos candidatos, un acto no que os futuros sacerdotes fan profesión de fe e das súas promesas sacerdotais, requisito previo á súa ordenación. Estivo presente o reitor do Seminario Maior, Carlos Álvarez, acompañado polo director espiritual, Ricardo Vázquez Freire, e polo formador José Luis Ramos. Este venres haberá en Vimianzo unha vixilia de oración polos futuros sacerdotes.