O arcebispo de Santiago de Compostela unirase á oración do Papa na consagración de Ucraína e Rusia ao Inmaculado Corazón de María

Mons. Julián Barrio sumarase este venres, 25 de marzo, á Consagración de Rusia e Ucraína ao Corazón Inmaculado de María, convocada polo Papa Francisco, coincidindo coa solemnidade da Anunciación do Señor. O acto desenvolverase na Basílica de San Pedro ao redor das 18:30 hs, no contexto dunha Celebración da Penitencia que comezará ás 17:00 hs. e será presidida polo Santo Pai.

Ao mesmo tempo, o arcebispo de Santiago unirase a este acto de consagración durante a Eucaristía, que presidirá na Catedral compostelá ás 17:00 hs. con motivo do Xubileu das parroquias dos Arciprestados de Pruzos e Bezoucos.

Este venres tamén ten lugar na Igrexa unha dobre xornada: por unha banda, unha vixilia de oración e reconciliación, as “24 horas polo Señor”; e por outra banda, a Celebración “Acoller e coidar a vida, don de Deus”.