Español
Galego
“Nesta Noite Santa percibimos a misericordia, a condescendencia e o amor de Deus connosco ao achegarnos ao portal de Belén con sinxeleza e con admiración para contemplar ao Neno Deus cos ollos do noso corazón no silencio da noite. Adoremos a Palabra feita carne”. Así se expresaba o arcebispo de Santiago, monseñor Julián Barrio, na súa homilía da Misa do Galo. Unha cerimonia que tivo lugar na Catedral compostelá, na que estivo acompañado por membros do cabido catedralicio, así como dun bo número de fieis que celebraron, nun ambiente de festa, con gozo e alegría, a solemnidade da Natividade, é dicir, do nacemento do noso Señor Xesucristo.
Mons. Barrio destacou que á luz do Nadal entendemos a dignidade da persoa humana porque “Deus se fixo home e converteuse nunha presenza familiar, sen a cal ninguén podería entenderse e sucumbiría á confusión”. E engadiu que “en Belén está o testemuño do amor de María, da fidelidade de Xosé, da vixilancia dos pastores”.
Nesa mesma liña de esperanza, o arcebispo de Santiago indicou que “O Fillo de Deus coa súa encarnación se uniu en certo xeito con cada home. Fagamos o noso corazón urbanizable onde o Señor constrúa o seu aposento”.
Don Julián terminou a súa homilía con estas palabras: “Como os pastores, poñámonos en camiño. Percibamos a humildade de Deus. Así a súa alegría alcanzaranos, a nosa axitación tranquilizarase, e a súa luz fará máis luminoso o mundo. Este é o meu desexo para todos vós, e para os vosos seres queridos. Bo Nadal a todos!”.
