Español
Galego
A Delegación para o Laicado da Arquidiocese de Santiago de Compostela organizou un retiro espiritual dirixido a seglares que se celebrará do 4 ao 6 de setembro de 2026 na Casa de Exercicios Santa María Nai, en Ourense.
O encontro estará dirixido por Dolores García Pi, expresidenta do Foro de Laicos, quen acompañará aos participantes durante as distintas actividades previstas ao longo das tres xornadas.
O retiro comezará o venres 4 de setembro coa acollida dos asistentes ás 18.00 horas e concluirá o domingo 6 tras o xantar, momento no que se poñerá fin a esta proposta de encontro, reflexión e vida espiritual.
Desde a organización lembran que a inscrición xa está aberta e informan que as prazas son limitadas, polo que animan ás persoas interesadas a formalizar a súa participación con antelación.
