“Son tantas as razóns… apúntao a Reli”, nova campaña da Comisión Episcopal para a Educación e Cultura

Baixo o lema “Pero…a clase de Reli serve para algo?”, esta campaña céntrase nunha peza visual na que  os pais e nais convértense en protagonistas e espectadores á vez.

O vídeo presenta unha conversación cotiá entre parellas, onde unha pregunta “sen aparente resposta” mostra as verdadeiras razóns que moveron a unha delas a apuntar aos seus fillos á materia de Relixión.

Con esta campaña, a Conferencia Episcopal busca convidar a unha xeración de pais que, condicionados polas tendencias sociais ou pola desinformación, elaboráronse unha imaxe falsa sobre a materia de Relixión, a que consideren as moitas e boas razóns polas que escoller esta materia.

Esta aparente “falta de valor”, percibida nalgúns pais, contraponse cos mensaxe do vídeo, aloxado na páxina web creada exclusivamente para a campaña, onde se recollen algunhas razóns para facer visible e reforzar o valor desta materia que é, tan materia, como as demais.

Con este lanzamento, a Comisión Episcopal para a Educación e Cultural quere seguir subliñando o alcance das contribucións educativas da materia de Relixión que, curricularmente, axuda a vehicular, sobre todo na etapa de Infantil e Primaria, a dimensión espiritual, constitutiva do ser humano, necesaria para o posterior desenvolvemento moral e persoal dos nosos alumnos e cuxo desenvolvemento ten un beneficio persoal e social comprobado.

O lanzamento da campaña foi o 28 de abril e terá presenza en prensa e canles dixitais, asegurando un impacto máximo no público obxectivo, a xeración de pais con fillos en idades temperás.

Os alumnos que optan pola materia de Relixión, segundo as estatísticas da Conferencia Episcopal Española, xa dispoñibles en https://www.conferenciaepiscopal.es/estadisticas-religion/, aumentan levemente este curso escolar 2024-25, respecto do anterior.

En datos totais de alumnos rexistrados, a porcentaxe mellora no medio punto alcanzando a 56.06% fronte ao 55.42% do curso anterior.

Nos centros públicos detéctase un mínimo descenso de 0.3%, mentres que aumenta nos centros privados nun 1.5%.

Se se ten en conta o alumnado en xeral preocupa o descenso en educación infantil por razóns demográficas que, loxicamente alcanza xa á escola. Este ano, neste nivel, houbo 80.000 alumnos menos.