Español
Galego
Con motivo da celebración da Pascua do Enfermo 2026, este domingo 10 de maio o arcebispo compostelán, Mons. Francisco José Prieto Fernández, acudiu ao Complexo Hospitalario Universitario da Coruña para visitar a Unidade de Coidados Paliativos.
Na entrada do edificio foi recibido polo Dr. Luis Verde Remeseiro, xerente da área sanitaria da Coruña e Cee; o Dr. Luciano Vidán, presidente do Colexio Oficial de Médicos da Provincia da Coruña; o Dr. Fernando Lamelo Alfonsín, xefe do Servizo de Hospitalización a Domicilio, Coidados Paliativos e Unidade de Coordinación e Apoio a Residencias do CHUAC; e pola Dra. Leticia Hermida Porto, responsable da Unidade de Coidados Paliativos.
Mons. Prieto Fernández visitou nos seus cuartos a varios enfermos que así o solicitaran con anterioridade, tras o cal presidiu unha fermosa oración na Capela do Hospital de Oza, chea de enfermos, familiares e profesionais sanitarios, aos que encomendou a María, Saúde dos enfermos, por medio das palabras coas que tantos crentes ao longo dos séculos dirixíronse a Ela nas dificultades:
Baixo o teu amparo acollémonos, Santa Nai de Deus;
non desatendas as súplicas que che diriximos nas nosas necesidades,
e de todo perigo líbranos sempre,
oh Virxe, gloriosa e bendita!
