Español
Galego
Os delegados de pastoral da saúde das dioceses galegas reuníronse este luns co bispo de Lugo, Mons. Alfonso Carrasco Rouco, responsable desta pastoral na nosa provincia eclesiástica.
O encontro permitiu avaliar as actividades realizadas ao longo do curso pastoral que agora finaliza. Don Alfonso subliñou a importancia que ten esta pastoral específica na actualidade para transmitir a presenza próxima de Deus, non só ás persoas enfermas senón tamén ás súas familias e aos miles de profesionais sanitarios. Neste sentido, na reunión lembrouse que o acompañamento, a escoita activa e a orientación é un dos roles principais do servizo relixioso hospitalario e analizouse como fortalecelos nos nosos hospitais e parroquias.
O encontro serviu tamén para preparar o novo curso 2026 – 2027. Entre outras cuestións, fixouse o sábado 17 de outubro de 2026 para ter o curso anual, que terá lugar en Vigo no Seminario Maior. Pola súa banda, o tradicional encontro de quen traballa nos nosos servizos relixiosos hospitalarios e nos das residencias de anciáns levarase a cabo o luns 25 de xaneiro de 2027 e servirá para celebrar como axentes da pastoral da saúde o Ano Santo Compostelán. Oportunamente concretaranse ambas as actividades.
