Novos cóengos tomarán posesión na Catedral de Santiago o próximo 1 de xuño

A Catedral de Santiago de Compostela acollerá o vindeiro domingo 1 de xuño, ás 17:00 horas, a celebración de toma de posesión dos novos cóengos nomeados recentemente polo arcebispo da Arquidiocese, monseñor Francisco José Prieto Fernández.
O nomeamento, feito público o pasado 21 de marzo, responde á necesidade de reforzar o Cabido da S.A.M.I. Catedral nun momento clave para a Arquidiocese, coincidindo coa celebración do Ano Xubilar da Esperanza. Prevese un notable aumento de peregrinos e fieis que acudirán ao templo compostelán, moitos deles coa intención de obter a indulxencia xubilar. Neste contexto, a Iglesia considera esencial asegurar unha atención pastoral axeitada.
A decisión do arcebispo tamén se xustifica pola actual situación do Cabildo Metropolitano, afectado por diversas vacantes orixinadas por falecementos, xubilacións ou dispensas temporais. #Ante esta realidade, e conforme aos Estatutos, considerouse oportuno reforzar o corpo capitular para garantir o cumprimento das súas funcións espirituais e litúrxicas.

Os novos cóengos numerarios que se incorporan ao Cabildo son:

Ilmo. Sr. D. José Andrés Fernández Farto, actual Vigairo Xeral da Arquidiocese.

Ilmo. Sr. D. José Antonio Castro Lodeiro, Reitor do Seminario Maior Interdiocesano Apóstolo Santiago.

Ademais, o arcebispo concedeu o título de cóengos honorarios a tres sacerdotes en recoñecemento á súa dedicación pastoral na Catedral:

Rvdo. Sr. D. Andrés Álvarez Castiñeiras.

Rvdo. Sr. D. Manuel Barbazán Tomé.

Rvdo. P. D. Francisco García Fraile.

Tanto o arcebispo como o Cabildo quixeron expresar publicamente a súa gratitude e recoñecemento a todos eles pola súa entrega ao culto do Apóstolo Santiago e polo seu servizo á comunidade de peregrinos e fieis que acoden cada ano á Catedral desde distintas partes do mundo.

Previous articleConfirmacións en Santa Baia de Ribadumia
Next articleCando amamos e coidamos o enfermo, amamos e coidamos a Cristo mesmo"

RELATED ARTICLESMORE FROM AUTHOR