Confirmacións na parroquia de Boiro

O domingo día 16 de outubro o Vigairo Xeral da Arquidiocese de Santiago de Compostela, José Andrés  Fernández Farto, presidiu a eucaristía na Parroquia Santa Eulalia de Boiro, confirmando un grupo de mocidade de 38 persoas.

Con alegría  estes mozos e mozas viviron un momento moi especial tras dous anos de preparación para recibir este sacramento, co que completaron todo o proceso de iniciación cristiá.

Un día de festa e de gozo para toda a comunidade parroquial e para a Unidade Pastoral de Boiro.

Parabén a todos eles, aos seus catequistas, as súas familias e a todos os que colaboraron.