Español
Galego
O Mosteiro de Poio acolle a Asemblea de CONFER Galicia, que reunirá durante os días 22 e 23 de setembro a relixiosas, relixiosos, superiores maiores e bispos de toda a comunidade.
Esta edición cobra un significado especial ao conmemorarse os 50 anos de vida de CONFER GALICIA, medio século de presenza, servizo e comuñón entre as diversas congregacións relixiosas que desenvolven a súa misión no territorio galego.
A Xornada comezou o luns 22 cun relatorio sobre os “50 anos de CONFER Galicia”, a cargo de Pilar Wirtz (Compañía de María), Mª Luz Galván (RSCJ) e José González (Franciscano). Este percorrido histórico permitiu facer memoria do camiño realizado, as claves pastorais e os desafíos afrontados pola vida relixiosa galega durante as últimas décadas.
Tras a comida celebrouse a Asemblea Xeral Anual, que incluíu a presentación da memoria xeral de CONFER GALICIA, así como os informes diocesanos e económicos.
Encontro de Bispos e Superiores/as Maiores
O martes 23, celébrase a Asemblea dos bispos e superiores/as maiores de Galicia, no que se realizará unha mesa redonda sobre os “Retos de futuro da Vida Relixiosa en Galicia”, moderada por Fernando Gálligo (xesuíta), Miguel da Mata (franciscano) e Chus Ferreiro (Filla da Caridade); e ao finalizar, abrirase un espazo de diálogo aberto cos relatores e os bispos, onde se abordarán as luces e sombras do presente, así como as liñas de acción para o porvir da vida consagrada no contexto galego.
