Español
Galego
Protocolo para a catequese en tempos de «nova normalidade»
Nestes días de inicio de curso escolar e nos que moitos dos nosos nenos e nenas de catequeses atópanse celebrando as súas primeiras comuñóns, o Equipo de Catequese de Galicia, composto polos delegados e responsables diocesanos da catequese das cinco Dioceses galegas, pon a disposición o “Protocolo para catequese en tempos de ‘nova normalidade’.
Tal e como se anunciou, este protocolo ofrece un conxunto de orientacións e medidas de tipo práctico, e conforme ás actuais esixencias sanitarias, que pretenden axudar á “operación retorno” da catequese ás parroquias para este curso 2020-21, de maneira que esta póidase facer con todas as medidas de seguridade. Sen dúbida, un reto do todo inédito para a catequese do noso tempo, dificultado aínda máis polo feito de haberse “confinado” ou “quedado na casa” desde o pasado mes de marzo.
Estas orientacións e indicacións para a preparación inmediata da volta da catequese ás parroquias no novo curso, poden tamén axudar á creación dos distintos protocolos diocesanos de catequeses para este curso 2020-21, coas pertinentes adaptacións ás circunstancias e aos lugares. Especificamente, como se verá, aborda aspectos e indicacións relacionadas coa organización e funcionamento da catequese parroquial, tales como:
o momento da inscrición,
a organización dos grupos e seccións de catequeses,
os tempos e o acondicionamento dos espazos,
as modalidades previstas de catequeses,
os materiais para empregar,
a celebración da Eucaristía e as outras celebracións que se realizan ao redor da catequese, e
os catequistas.
Algunhas destas orientacións veñen acompañadas dunha serie de actuacións complementarias e materiais que faciliten a súa realización e que se irán presentado nos próximos días:
elementos de señalética para os espazos parroquiais;
indicacións e medidas para a distribución dos catecismos ás familias (Proxecto # ElCatecismoSeQuedeEnCasa);
fichas modelo de inscrición á catequese conformes á normativa vixente;
nova sección (# ComezaNaCasa) para a catequese en familia que se creará no actual espazo de recursos dixitais https://recursos. catequesisdegalicia. com.
Por último, nos próximos días publicaranse e difundirán @gratuitamente por este medio os materiais que todos os anos prepara o Equipo de Catequese de Galicia para o inicio do curso de catequese: cartel e lema anual, folleto informativo-explicativo e celebrativo de inicio de curso, e finalmente, protocolos informativos de actuación en tempos de COVID e destinados de maneira diferenciada aos párrocos, catequistas e pais.
