Español
Galego
- O arcebispo presidiu a Eucaristía coa que se iniciaba o curso pastoral deste movemento de maiores.
O arcebispo de Santiago de Compostela, mons. Francisco Prieto, presidiu hoxe martes, na igrexa de Santa Lucía da Coruña, a Eucaristía coa que se inicia o curso pastoral de Vida Ascendente.
O comezo das actividades pastorais de Vida Ascendente adoita coincidir coa festa de Santa Tareixa de Xesús, que se celebrará o vindeiro domingo día 15 de outubro.
Vida Ascendente é un Movemento de Apostolado segrar de persoas xubiladas e maiores, recoñecido e aprobado pola Conferencia Episcopal española para: crecer na fe; fomentar a amizade e ser membros activos da Igrexa e da sociedade.
O seu lema é espiritualidade, apostolado e amizade. O seu obxectivo é levar a mensaxe evanxélica aos Maiores e Xubilados, para que acheguen á Sociedade e á Igrexa a súa Fe, a súa experiencia e o seu tempo dispoñible.
O movemento reúne os seus membros (de calquera medio social ou cultural) en pequenos grupos de traballo e oración; crea un ámbito de amizade, para compartir as súas preocupacións e vivencias; ofrece aos seus membros os medios para afondar na súa fe e acreditar a súa esperanza, logrando que todos os seus membros vivan esta etapa da súa vida en plenitude humana e cristiá; abre canles para a súa integración na misión da Igrexa, impulsando os seus membros a unha activa participación nela; estimúlaos e oriéntaos para que, como cidadáns responsables participen na animación cristiá da sociedade, adoptando un novo estilo de solidariedade cos demais.
