Comeza a 72º Semana Mariolóxica no Santuario da Xunqueira de Cee

O Santuario da Ntra. Sra. da Xunqueira e a súa Unidade Pastoral son a sede da 72 Semana Mariolóxica que organiza anualmente a Sociedade Mariolóxica Española e que o ano pasado tivo lugar en Ronda.

O tema do congreso nacional deste ano é: «María e a feminidade á luz da carta apostólica de San Xoán Paulo II Mulieris dignitatem» e terá lugar desde hoxe, 29 de agosto, ao 1 de setembro de 2023.

Esta tarde ás 17:30hs tivo lugar a sesión inaugural interviron mons. Francisco José Prieto Fernández, arcebispo de Santiago, así como Desire Kouakou Tanoh, reitor do Santuario de Cee; Juan Miguel Ferrer Grenesche e Francisco María Fernández Jiménez, Presidente e Secretario da Sociedade Mariolóxica Española; e Margarita Lamela Louzán, alcaldesa do Concello de Cee.

Ás 18:30hs terá lugar a Sesión primeira de Agustín Giménez González, co relatorio “Eva-María o principio e o pecado na Sagrada Escritura”.

Posteriormente ás 20:00hs D. Francisco José Prieto presidirá a Eucaristía, para terminar esta primeira xornada cun Concerto, “Nanas do mundo” a cargo de Gohar Vahanyan, Salmista da Catedral de Granada e Héctor E. Márquez.