Cáritas Diocesana de Santiago de Compostela participou na 84ª Asemblea Xeral de Cáritas Española

Cáritas Diocesana de Santiago de Compostela participou esta semana na 84ª Asemblea Xeral de Cáritas Española, celebrada nel Escorial, xunto a representantes de máis de 70 Cáritas Diocesanas de todo o Estado.
Durante dúas intensas xornadas de traballo, os equipos participantes compartiron experiencias, prioridades comúns e estratexias para afrontar os retos sociais máis perentorios. A delegación diocesana expuxo a súa visión do momento actual que vive a entidade e compartiu as liñas estratéxicas que están a guiar a súa acción social, centradas na atención ás necesidades básicas, o acceso á vivenda, a formación e o emprego, e a atención á soidade non desexada.
Outro dos eixos centrais do encontro foi o voluntariado, cunha análise do camiño percorrido desde a aprobación da Estratexia Confederal. Compartíronse contidos, boas prácticas e propostas de mellora, ademais de render homenaxe ao compromiso das miles de persoas voluntarias que sosteñen o labor de Cáritas en toda España.
Foto: de iesquerda á dereita, Santiago Fernández, delegado episcopal; Josefina Monteagudo, secretaria xeral; e Rubén Iglesias, secretario técnico de Cáritas Diocesana de Santiago.

“Non se trata só de cubrir carencias, senón de acompañar as persoas no seu camiño cara a unha vida digna e autónoma”, subliñou Santiago Fernández, delegado episcopal da entidade, destacando a boa acollida que recibiu este enfoque centrado no acompañamento integral.

Desde Cáritas Diocesana de Santiago, a súa secretaria xeral, Josefina Monteagudo, destaca que «regresan desta asemblea con ideas claras, moitas tarefas por diante e a certeza de que están aliñados coas necesidades reais da sociedade actual, traballando con rigor e compromiso».

A Asemblea Xeral de Cáritas Española é o principal órgano de participación e toma de decisións da Confederación, e celébrase anualmente para reforzar a cohesión, avaliar o traballo realizado e establecer liñas comúns de acción.

Previous articleConfirmacións na Parroquia de San Paio de A Estrada
Next articleO Consello Diocesano de Pastoral avanza no deseño do seu novo Plan Pastoral cunha chamada á escoita, o camiño e o servizo

RELATED ARTICLESMORE FROM AUTHOR