Español
Galego
Os responsables da pastoral da saúde das dioceses de Mondoñedo-Ferrol, Santiago de Compostela e Tui-Vigo organizaron unha peregrinación conxunta a Roma do 04 ao 07 de abril de 2025 para participar nos actos específicos organizados pola Santa Sé para os enfermos e o mundo da sanidade (sábado 5 e domingo 6 de abril de 2025).
A este evento xubilar están particularmente convidados todos os enfermos e os profesionais vinculados ao mundo da sanidade (médicos, enfermeiros, axentes sanitarios, voluntarios do mundo da sanidade, axentes de pastoral da saúde etc.)/ etc.), xunto cos seus familiares.
Como lembrou o Papa Francisco na Bula de convocación desta efeméride, “o Ano Santo 2025 está en continuidade cos acontecementos de graza precedentes. No último Xubileu ordinario cruzouse o limiar do dous mil anos do nacemento de Xesucristo. Logo, o 13 de marzo de 2015, convoquei un Xubileu extraordinario coa finalidade de manifestar e facilitar o encontro co “Rostro da misericordia” de Deus, anuncio central do Evanxeo para todas as persoas de todos os tempos. Agora chegou o momento dun novo Xubileu, para abrir de par en par a Porta Santa unha vez máis e ofrecer a experiencia viva do amor de Deus, que suscita no corazón a esperanza certa da salvación en Cristo. Ao mesmo tempo, este ano Santo orientará o camiño cara a outro aniversario fundamental para todos os cristiáns: no 2033 celebraranse o dous mil anos da Redención realizada por medio da paixón, morte e resurrección do Señor Xesús. Atopámonos así fronte a un itinerario marcado por grandes etapas, nas que a graza de Deus precede e acompaña o pobo que camiña entusiasta na fe, dilixente na caridade e perseverante na esperanza (cf. 1 Ts 1,3)”.
No folleto adxunto vai toda a información: itinerario, hotel, prezo etc. Son só 50 prazas para as tres dioceses, que se outorgarán por rigorosa orde de inscrición. O prazo límite de inscrición é o 31 de xaneiro de 2025, ou ata esgotar as prazas de que se dispón.
Os diocesanos de Santiago de Compostela interesados en participar nesta peregrinación deben enviar un correo electrónico á dirección desarrollohumanointegral@archicompostela.org
En dito correo deben comunicar os seguintes datos:
- nome completo,
- número de DNI,
- domicilio,
- número de teléfono,
- en calidad de que peregrina (enfermo, profesional sanitario, voluntario),
- adjuntar xustificante de ter aboado na conta ES13 2080 0009 8930 4003 9046 aberta a nome da Delegación Episcopal para o Desenvolvemento Humano Integral en ABANCA a cantidade de 250 euros (se ao final a persoa no puidese viaxar e a organización non puidese ocupar a praza con outro peregrino, este diñeiro non se devolvería).
