Inicio do curso de catequese en San Lázaro

Este domingo, 13 de outubro, a Parroquia de San Lázaro de Santiago de Compostela acolleu a Eucaristía de inicio do curso de catequese. Nenos e catequistas reuníronse no templo para dar comezo a un novo ano de formación relixiosa.

A celebración, presidida polo arcebispo Mons. Francisco Prieto, contou coa asistencia de pais e nais dos catecúmenos. Unidos na fe, viviron xuntos a experiencia de ser parte da familia dos Fillos de Deus, da familia que peregrina na Igrexa Diocesana de Santiago.