Español
Galego
A parroquia de San Pedro de Vilalonga, no municipio de Sanxenxo, celebrou este luns 29 de xuño a solemnidade de San Pedro e Santo Paulo cunha Eucaristía presidida polo arcebispo de Santiago de Compostela, monseñor Francisco José Prieto Fernández. A celebración reuniu a numerosos fieis, entre eles nenos e nenas que recibiron a Primeira Comuñón, así como ás súas familias e membros da comunidade parroquial.
Durante a súa homilía, o arcebispo lembrou que a Igrexa celebra unida a memoria de San Pedro e Santo Paulo, dous apóstolos con traxectorias moi diferentes, pero cun mesmo denominador común: responder á chamada de Xesucristo e converterse en testemuñas do seu Evanxeo.
Mons. Prieto detívose especialmente na figura de San Pedro, o pescador de Galilea ao que Xesús chamou para ser “pescador de homes” e a quen encomendou a misión de confirmar na fe aos seus irmáns. Destacou o seu carácter decidido, pero tamén a súa capacidade para recoñecer os seus erros e deixarse reconciliar por Cristo tras negalo durante a Paixón.
Aabordó igualmente a conversión de Santo Paulo no camiño de Damasco, explicando que, aínda que non coñeceu a Jesús durante a súa vida pública, foi chamado polo Señor resucitado para converterse nun dos grandes evanxelizadores de la Igrexa. Segundo indicou o arcebispo, a experiencia de ambos os apóstolos demostra que Deus segue chamando hoxe a cada persoa a través das circunstancias da vida e do encontro cos demais.
Aproveitando o inicio do período estival, o arcebispo animou aos fieis para vivir a fe na sinxeleza de cada xornada, dentro da familia, entre os amigos e na comunidade parroquial. Insistiu ademais na importancia de recoñecer a presenza de Cristo en quen máis necesitan axuda e proximidade.
