Escola Diocesana de Música Litúrxica

A Escola Diocesana de Música Litúrxica xorde co propósito de ofrecer unha formación accesible e ao servizo da vida pastoral da Arquidiocese de Santiago de Compostela. A través do Instituto Superior Compostelán de Ciencias Relixiosa (ISCCR) ofrécese un espazo de formación para numerosos destinatarios: salmistas, responsables de canto, directores de coro, coristas, instrumentistas e todas aquelas persoas que desexen profundar nesta materia.

Nun contexto onde moitas persoas colaboran activamente nas celebracións, faise necesaria unha preparación que axude a comprender mellor o sentido da liturxia e o valor da música como parte esencial da oración de la Iglesia. Esta formación tamén pode ser un estímulo para coñecer a importancia da música litúrxica, o canto gregoriano, a polifonía, o canto popular, o uso do órgano e outros instrumentos, etc.

Este primeiro ano, a proposta académica organízase cun curso básico e unha especialidade. Con iso, a Escola quere contribuír a formar persoas capaces de coidar e embelecer a celebración, fortalecendo así a vida de fe e a comuñón das nosas comunidades.

Tras a finalización do Curso Básico de Música Litúrxica o alumno obterá un certificado de asistencia e aproveitamento, asinado polo director do ISCCR e o coordinador do Curso. Así mesmo, os alumnos da especialidade de órgano que superen os obxectivos marcados ao comezo de curso tamén recibirán un certificado de asistencia e aproveitamento.

O Curso Básico de Música Litúrxica quere ser un espazo de encontro e formación litúrxico-musical básico para todas aquelas persoas que o desexen, pero, especialmente, as que desempeñan algún labor de animación nas súas comunidades: membros de coros, músicos, directores, salmistas e todos aqueles amantes da música e da liturxia para que poidan:

Profundar na esencia da música litúrxica.

Capacitar para unha adecuada selección do repertorio.

Preparar axentes musicais para as celebracións litúrxicas.

Integrar tradición e práctica parroquial.

Mellorar a calidade celebrativa das comunidades.

21 de outubro – Que é a música litúrxica?

18 de novembro – Normativa de música litúrxica

16 de decembro – Selección de repertorios

20 de xaneiro – O canto gregoriano hoxe 1

7 de febreiro – Cantar a Misa ou cantar en Misa?

17 de marzo – A música nos sacramentos e sacramentais

21 de abril – O canto do Salmo responsorial

19 de maio – O coro e a asemblea

16 de xuño – O órgano e outros instrumentos

A parte das clases maxistrais, tamén práctica de canto, lectura e interpretación de partituras, rudimentos básicos para a dirección, talleres, audicións, participación nalgunha celebración diocesana na Catedral.

Coordinador: Óscar Valado Domínguez

Director do Departamento Diocesano de Música Sacra

Duración: De outubro a xuño (9 sesións, 1 ao mes)

Horario: 20.00 a 21:30h.

Lugar: Instituto Superior Compostelán de Ciencias Relixiosas (presencial / en liña)

Custo: Curso Básico de Música Litúrxica: 90 € / ano.

Para alumnos da especialidade de órgano: 50 € / ano Contacto:

A Especialidade de órgano é a primeira que ofrece a Escola Diocesana de Música Litúrxica e pretende:

* Formar organistas capacitados para o servizo litúrxico.

* Mellorar progresivamente a calidade musical das celebracións.

* Ofrecer un itinerario formativo con identidade diocesana.

* Favorecer o coidado e dinamización do patrimonio organístico.

* Crear, a medio prazo, unha rede de colaboración entre organistas da Arquidiocese.

Para matricularse nesta especialidade é necesario ter coñecementos básicos de música.

1.  Técnica e repertorio

2. Acompañamento litúrxico

3. Improvisación aplicada

4. Recursos prácticos celebrativos

Clases individuais con cada alumno no órgano Rieger-Kloss da Capela do Seminario Maior Interdiocesano Apóstolo Santiago; así como noutros órganos da cidade por determinar.

Coordinador: Adrián Regueiro

Organista da Catedral de Santiago

Duración: Desde setembro a xuño – 2 sesións individuais ao mes Horario:

A concretar co profesor Custo: Clases individuais: 80 € / mes.

Contacto: adrian.regueiro@icloud.com