Visita dos presidentes da CEOE e a CEG ao arcebispo de Santiago para ultimar ol II Encontro de Empresarios

Os presidentes da Confederación Española de Organizacións Empresariais (CEOE), Antonio Garamendi, e da Confederación de Empresarios de Galicia (CEG), Juan Vieites visitaron este pasado 3 de abril ao arcebispo de Santiago, monseñor Francisco Prieto. Neste encontro conversaron sobre o II Encontro de Empresarios que terá lugar en Santiago de Compostela a próxima semana.

Douscentos empresarios, directivos e profesionais reuniranse na Hospedería do Seminario Maior para reflexionar sobre ética, sustentabilidade e ben común. O evento comezará o día 11 coa Santa Misa e un concerto na Catedral compostelá aberto ao público ata completar aforo, a cargo da Orquestra Clásica de Vigo e o Orfeón A Terra Nosa que interpretarán a “Misa da Coroación” de Mozart.

Ao día seguinte, a Hospedería acollerá os tres relatorios maxistrais e as posteriores mesas de debate onde se abordarán cuestións referidas á ética, o ben común e a sustentabilidade da man de recoñecidos expertos na materia.