Monseñor Barrio pide ser capaces de poñer as persoas no corazón para facer fronte ao desemprego

  • Carta do arcebispo con motivo da XXVII Xornada Interparroquial de solidariedade cos Parados
  • Nunha carta con motivo da XXVII Xornada Interparroquial de solidariedade cos Parados, que se celebrará nos próximos días do mes de maio, o arcebispo de Santiago, monseñor Julián Barrio, afirma que “se o traballo dignifica á persoa, habemos de concluír que a súa perda contribúe á deterioración da mesma na realización persoal”. O arcebispo indica que non é “fácil a solución a este problema pero certamente estariamos no camiño de atopala se fósemos capaces de poñer as persoas no corazón, buscando que non prevalezan os propios intereses que non toman en conciencia o ben común”.
  • No texto, o arcebispo sinala que “a liberdade humana desenvólvese e madura ao abrigo da austeridade responsable e tamén do sacrificio polos demais, tratando de construír a cultura do coidado común”. E engade que “o coidado polos demais aviva a nosa intelixencia e todas as nosas capacidades para reconstruír as nosas sociedades e novas relacións económicas que non hipotequen o desenvolvemento”.
  • Finalmente, monseñor Barrio mostra a súa solidariedade con quen atravesa por tan dura situación: “comparto os sentimentos de tantas familias cuxos membros están en paro e rezo por elas”.
  • A XXXVII Xornada de Solidariedade cos Parados, que organiza Cáritas Interparroquial de Santiago, na presente edición o seu día central será o 3 de maio, e terá como lema central a Campaña polo Traballo Decente. Ao longo dos días nos que se vai desenvolver un amplo programa de actividades incidirase, demandarase e reivindicará un traballo decente para todos , e en tal sentido farase especial fincapé nos empregos máis precarios.
  • Entre os diversos actos programados para a semana previa destaca o da participación dos voluntarios da entidade nas misas do domingo, nas que se fará referencia ao tema dos parados e a precariedade nos postos de traballo. O martes 3 de maio, a partir das 19:00 horas, celebrarase na Praza do Toural de Santiago, un acto de solidariedade cos parados no que se dará lectura ao manifesto da Campaña polo Traballo Decente.
Previous articleXornada Interparroquial de solidariedade cos Parados. Maio de 2022
Next articleMons. Julián Barrio inaugura o Ano Xubilar Mariano á Nosa Señora da Xunqueira en Cee