Mons. Francisco Prieto nas Xornadas Nacionais de Patrimonio Cultural da Igrexa

O arcebispo de Santiago de Compostela e presidente da subcomisión episcopal para o patrimonio cultural, Mons. Prieto Fernández, está a participar desde onte na XLII edición das Xornadas Nacionais de Patrimonio Cultural da Igrexa, en Bilbao

A inauguración tivo lugar no paraninfo da Universidade de Deusto coa participación do reitor da Universidade, Juan José Etxeberria; o bispo de Bilbao, mons.  Joseba Segura; o alcalde da capital, Juan María Aburto; a deputada de cultura, Lexuri Arrizabalaga e o arcebispo de Santiago de Compostela, mons. Francisco José Prieto.

Alberto Santana, xefe de servizo de Patrimonio Cultural da Deputación Foral de Bizkaia, ofreceu o relatorio inaugural. O director do secretariado da subcomisión episcopal para o patrimonio cultural da Conferencia Episcopal, Pablo Delclaux, agradeceu ás institucións presentes a hospitalidade ofrecida e debullou o programa completo das Xornadas, as cales proseguen hoxe no Colexio Maior da Universidade de Deusto. O primeiro día finalizou coa recepción ofrecida polo consistorio bilbaíno encabezada pola tenente alcalde, Amaia Arregi.

O arcebispo de Santiago de Compostela agradeceu ás institucións civís a súa «magnífica» acollida e sinalou que «cando se fala de patrimonio cultural de la Iglesia hai que referirse a un leito común que mostra as nosas referencias a crentes e non crentes».