Festa en honra de San Nicolás de Tolentino, en Pontedeume

Do 7 ao 11 de setembro celébranse as festas patronais de Pontedeume, chamadas tradicionalmente “Festas de As Peras”.

Hoxe martes día 10, o arcebispo de Santiago de Compostela, mons. Francisco Prieto, presidiu a Eucaristía en honra a San Nicolás de Tolentino e a renovación do Voto que a Vila de Pontedeume ofrece ao Santo desde 1621.

Na homilía, o arcebispo destacou a figura de San Nicolás de Tolentino como expresión de xenerosidade, de perdón, de entrega e fraternidade. E convidou os asistentes a ser testemuñas do compromiso do que se comparte na Eucaristía.

Posteriormente tivo lugar a tradicional procesión coa imaxe do santo polo adro da Igrexa Parroquial.