O arcebispo de Santiago monseñor Francisco Prieto presidiu a reunión do Comité Organizador Igrexa – empresarios, do seminario “Ética e IA. A IA cambia ou transforma a persoa?” que se celebrará os días 6 e 7 de novembro próximo no seminario maior.

O Seminario “Ética e IA” será presentado polo arcebispo a próxima semana, e reunirá a máis dun centenar de empresarios, profesionais e autónomos con primeiras figuras do pensamento e a tecnoloxía, coa intelixencia artificial no centro do debate.

Adela Cortina, Amparo Alonso, Teresa Rodríguez de las Heras, Senén Varro, Ulises Cortés, Ricardo Mejía, José Ramón Amor, Eladio Dapena e monseñor Prieto disertarán e debaterán sobre a nova ferramenta tecnolóxica que está chamada a marcar unha época no desenvolvemento humano.

Como afecta a IA á cognición das persoas, á educación, a formación, o desempeño profesional, o lecer, a xestión das empresas, a sociedade no seu conxunto, serán os temas a debate, cunha análise dos seus riscos e a súa regulación.

Monseñor Francisco Prieto presentará publicamente o programa o venres 24 de outubro, nunha comparecencia ante os medios xunto a Juan Vieites,  presidente da Confederación de Empresarios de Galicia.

O Seminario Ética e IA está patrocinado pola Xunta de Galicia, Deputación  da Coruña, ABANCA, a Confederación de Empresarios de Galicia CEG,  a Cámara de Comercio de Santiago e a colaboración de UMAS.