D. Francisco visita as Hermanitas dos Anciáns Desamparados

O arcebispo de Santiago de Compostela, mons. Francisco Prieto, presidiu esta mañá unha Eucaristía na Capela que as Hermanitas dos Anciáns Desamparados teñen en San Marcos (Santiago).

As Hermanitas dos Anciáns Desamparados en Santiago de Compostela son unha congregación relixiosa de dereito pontificio dedicada a acoller e coidar os anciáns máis vulnerables. Foi fundada o 27 de xaneiro de 1873 polo venerable Saturnino López Novoa e Santa Teresa Jornet. A súa misión é proporcionar un ambiente familiar e atender todas as necesidades dos anciáns, tanto materiais como afectivas e espirituais.