A Arquidiocese de Santiago súmase á iniciativa da Santa Sé de rezar o Rosario polo papa Francisco ás 21.00 horas

A Arquidiocese de Santiago de Compostela súmase á iniciativa da Santa Sé de rezar, desde esta tarde, o Rosario pola saúde do papa Francisco ás 21.00 horas na Praza de San Pedro. O secretario de Estado, cardeal Pietro Parolin, presidirá a oración de hoxe.

Uniranse en oración os cardeais residentes en Roma, con todos os colaboradores da Curia romana e da diocese de Roma. Con esta iniciativa, informa a oficina de prensa da Santa Sé, quérese recoller o sentir do pobo de Deus.