No marco das actividades do mes das misións e baixo o lema “Un en Cristo, unidos na misión”, a Delegación Episcopal para as Misións organiza a mesa redonda titulada “A misión ad gentes e os misioneiros diocesanos”, en colaboración co Instituto Teolóxico Compostelán (ITC) e o Instituto Superior Compostelano de Ciencias Relixiosas (ISCCR).
O evento terá lugar o vindeiro xoves 22 de outubro ás 19:00 horas na Aula Magna do Instituto Teolóxico Compostelán (Santiago de Compostela). A cita contará coa participación do arcebispo compostelán, Mons. Francisco José Prieto Fernández, xunto a David Álvarez, Caetano Chenel, Mª del Carmen Maril e Sita Portela, quen compartirán as súas visións e experiencias sobre o labor misioneiro. O coloquio estará moderado por Antonio Gutiérrez González.
Trátase dunha oportunidade de encontro e reflexión aberta a toda a comunidade para afondar na importancia da misión ad gentes e recoñecer o valioso testemuño dos misioneiros diocesanos.
Fonte: Delegación para as Misións
